സുവര്‍ണ കേരളം

മഴ.......

2010-10-16T12:06:00.007+05:30

ഈ മഴ തഴുകുന്നു കുളിരിന്റെ തെന്നലായ്,
തീക്ഷ്ണമാം വാക്കിന്റെ മൂര്‍ച്ചയാം ശബ്ദമായ്..

വരളുന്ന നാവിനു നീരിന്റെ തുള്ളിയായ്,
വീചികള്‍ പാടുന്ന അരുവിതന്‍ തോഴിയായ്...

കുഞ്ഞിപ്പരല്‍ മീനിനുല്‍സവമേളമായ്,
ചേമ്പിലത്തുള്ളലിന്‍ താളപ്പെരുമയായ്..

പെയ്തൊഴിയാത്തമനസ്സിന്‍ വിഷാദമായ്,
തകര്‍ക്കുന്ന വര്‍ഷമായ്...

ഈ മഴ പിന്നെയും പെയ്യുന്നു, നിറയുന്നു,
ഓമല്‍ കിനാവിന്റെ ഓര്‍മ്മപ്പെടുത്തലായ്...

Copy Right (C) 2010 MaheshCheruthana

വീണ്ടുമൊരു ജലമാമാങ്കത്തിനു കുട്ടനാടു കാതോര്‍ക്കുകയാണു...

2010-07-06T00:52:00.043+05:30

കുട്ടനാടിന്റെ ഓളപ്പരപ്പിലൂടെ ശരവേഗത്തില്‍ കുതിക്കുന്ന ജലരാജാക്കന്മാര്‍ എതൊരുമനുഷ്യനിലും ആനന്ദത്തിന്റെ നവ്യാനുഭൂതി നിറയ്ക്കുന്ന വിസ്മയക്കാഴ്ച്ച. ആലപ്പുഴയുടെ ആവേശമാണ ജലമേളകള്‍ ,ജീവിതവും ശ്വാസവുമാണ് .പൊന്‍ കതിരുകളും കായലോളങ്ങളും തെങ്ങോലകളും താരാട്ടു പാടുന്ന കുട്ടനാടിന്റെ മനസ്സ് മണ്ണിനൊപ്പമാണു..।മണ്ണില്‍ പൊന്നു വിരിയിക്കുന്ന അദ്ധ്വാന ശീലരായ മനസ്സുകളാണു കേരളത്തിന്റെ നെല്ലറയുടെ ആത്മാവ് .।

കുട്ടനാടിന്റെ കാതുകളില്‍ നിറയുന്നത് വഞ്ചിപ്പാട്ടിന്റെ ഈണങ്ങളാണ്,ഞാറ്റുപാട്ടിന്റെ താളങ്ങളാണ്.പുഴകളും കായലും വയലേലകളും സ്നേഹത്തിന്റെ വസന്തം വിരിയിക്കുന്ന ഈ ഭൂമികയില്‍ ആത്മവിശ്വാസത്തിന്റെ കരുത്തും ആത്മസമര്‍പ്പണത്തിന്റെ തിരയിളക്കുവുമാണു ഓരോ ജലോത്സവവും.। ।

ചെമ്പകശ്ശേരിമഹാരാജാവ് യുദ്ധാവശ്യങ്ങള്‍ക്കു ഉപയോഗിച്ച യാനങ്ങളാണു ചുണ്ടന്‍ വള്ളങ്ങളെന്നതു ചരിത്രം।. ।।കായംകുളം രാജാവിനെതിരെയുള്ള യുദ്ധത്തില്‍ നൂറില്‍ പരം തുഴച്ചില്‍കാര്‍ അണിനിരന്ന ഈ ജലവാഹനം ചെമ്പകശ്ശേരി രാജാവിന്റെ വിജയത്തില്‍ നിര്‍ണായകമായ പങ്കു വഹിച്ചു.।കേരളീയ കരവിരുതിന്റെ ശ്രേഷ്ടമായ ആവിഷ്കാരം കൂടിയാണു പടക്കപ്പല്‍ എന്നു അറിയപ്പെട്ടിരുന്ന ചുണ്ടന്‍ വള്ളങ്ങളുടെ ജനനം .।।

ഓളപ്പരപ്പില്‍ നയമ്പുകള്‍ വിസ്മയത്തിന്റെ പൂരം തീര്‍ക്കുമ്പോള്‍ കുട്ടനാടിനു മറക്കാനാവാത്ത മുഖമാണു ചുണ്ടന്‍ വള്ളങ്ങളുടെ രാജശില്‍പ്പി കോയില്‍ മുക്കു നാരായണന്‍ ആചാരി...കുട്ടനാടിന്റെ ഓളപ്പരപ്പില്‍ ഇതിഹാസങ്ങള്‍ രചിച്ച പ്രമുഖ ചുണ്ടന്‍ വള്ളങ്ങളില്‍ ഏറിയപങ്കും നാരായണന്‍ ആചാരിയുടെ തച്ചു ശാസ്ത്ര വൈദഗ്ദ്യത്തിന്റെ മായാത്ത കാഴ്ച്ചകളാണു। ।ഓരോ വള്ളം കളിയും കുട്ടനാടിനു വിജയവും തോല്‍വിയും നിരാശയും കണ്ണീരും പുഞ്ചിരിയും പ്രതീക്ഷയും നിറഞ്ഞ നിമിഷങ്ങളാണു സമ്മാനിക്കുക।

ചമ്പക്കുളം ജലോല്‍സവവും പായിപ്പാടു ജലോല്‍സവവും അനുഷ്ഠാനമേളകളാണെങ്കില്‍ ലോകം ഉറ്റുനോക്കുന്ന പുന്നമട കായലിന്റെ വിരിമാറില്‍ അരങ്ങേറുന്ന ജലമാമാങ്കം നെഹ്രു ട്രോഫിക്കുമുണ്ടു വര്‍ ണാഭമായ ചരിത്രം ।1952 ല്‍ ആലപ്പുഴ സന്ദര്‍ശിച്ച ഭാരതത്തിന്റെ പ്രധാനമന്ത്രിക്കു വേണ്ടി നടത്തിയ പ്രദര്‍ശന മത്സരത്തില്‍ വിജയിച്ച നടുഭാഗം ചുണ്ടനില്‍ നെഹ്രു കയറുകയും അദ്ദേഹം സമ്മാനിച്ച ട്രോഫി പിന്നീടു നെഹ്രു ട്രോഫി ആയി മാറുകയും ചെയ്തു। ।എല്ലാ വര്‍ഷവും ആഗസ്റ്റ് മാസത്തിലെ രണ്ടാം ശനിയാഴ്ചയാണു നെഹ്രു ട്രോഫി ജലോല്‍സവം നടക്കുന്നത്।ലോകമെമ്പാടുമുള്ള ജലോല്‍ സവ പ്രേമികളൂടെ നിലക്കാത്ത പ്രവാഹം കൂടിയാണു നെഹ്രുട്രോഫിയെ സമ്പന്നമാക്കുന്നതു.ആഭ്യന്തര വിദേശ വിനോദ സഞ്ചാരികള്‍ ക്കു എന്നും പ്രിയപ്പെട്ട കാഴ്ചയാണു പുന്നമടയുടെ ഈ ഒളിമ്പിക്സ് സമ്മാനിക്കുന്നതു.

പുളിങ്കുന്നു രാജീവ് ഗാന്ധി ജലോല്‍സവം ,പല്ലന കുമാരനാശാന്‍ മെമ്മോറിയല്‍ ജലോല്‍സവം ,മാന്നാര്‍ മഹാത്മ ജലോല്‍സവം ,നീരേറ്റുപുറം ജലോല്‍ സവം എന്നിവയാണു കുട്ടനാട്ടിലെ മറ്റു പ്രധാന ജലമേളകള്‍ .ഇതില്‍ പൊന്നിന്‍ ചിങ്ങമാസത്തിലെ തിരുവോണം ,അവിട്ടം ,ചതയം എന്നീ മൂന്നു ദിവസങ്ങളിലായി ആഘോഷിക്കുന്ന വള്ളം കളി എന്ന സവിശേഷതയുള്ള ജലമേളയാണു പായിപ്പാടു ജലോല്‍ സവം .।

കുട്ടനാട്ടില്‍ ഒന്നര ഡസനോളം ചുണ്ടന്‍ വള്ളങ്ങള്‍ ഉണ്ടെങ്കിലും കുട്ടനാട്ടിലെ മിക്കവാറും എല്ലാജലമേളകളിലും ഹാട്രിക് സ്വന്തമാക്കിയ ചെറുതന ചുണ്ടന്‍ ,നെഹ്രു ട്രോഫിയില്‍ ഏറ്റവും അധികം ഹാട്രിക് സ്വന്തമാക്കിയ കാരിച്ചാല്‍ ,പോരാട്ട വീര്യം കൈമുതലായുള്ള പായിപ്പാട് ,ഏറ്റവും വലിയ ചുണ്ടന്‍ വെള്ളം കുളങ്ങര,ആയാപറമ്പു വലിയദിവാന്‍ജി, ആനാരി പുത്തന്‍ ചുണ്ടന്‍ ,ആയാപറമ്പു പാണ്ടി ,പച്ച ചുണ്ടന്‍ എന്നറിയപ്പെടുന്ന കരുവാറ്റ, ശ്രീ ഗണേഷ്,കരുവാറ്റ ശ്രീ വിനായകന്‍ , എന്നീ പത്തു ചുണ്ടന്‍ വള്ളങ്ങള്‍ അപ്പര്‍ കുട്ടനാടിന്റെ ഭാഗമായ അച്ചന്‍ കോവിലാറിന്റെ തീരത്താണു।ഇതില്‍ ചെറുതന പഞ്ചായത്തില്‍ മാത്രം നാലു ചുണ്ടന്‍ വള്ളങ്ങള്‍. മറ്റു ചുണ്ടന്‍ വള്ളങ്ങള്‍ കുട്ടനാടിന്റെ വിവിധ പ്രദേശങ്ങളില്‍ നിന്നുള്ളവയാണു.।

കുട്ടനാടിന്റെ വീരപുത്രന്‍മാരുടെ കൈകളില്‍ ഒരേ താളത്തില്‍ ഒരേ വേഗത്തില്‍ ചലിക്കുന്ന നയമ്പുകള്‍ ഐക്യത്തിന്റെയും സാഹോദര്യത്തിന്റെയും പ്രതീകങ്ങളാണു.।ഇവിടെ വര്‍ണ്ണ വര്‍ഗ്ഗ വ്യത്യാസങ്ങളില്ല.।ഒരേ മനസ്സും ഒറ്റ ലക്ഷ്യവുമായാണു കരിനാഗങ്ങളെപ്പോലെ ചാട്ടുളി വേഗത്തില്‍ വെല്ലുവിളികളെ വള്ളപാടിനു തുഴഞ്ഞു തോല്‍ പ്പിക്കുന്ന ചുണ്ടന്റെ കുതിപ്പ്.।।മനുഷ്യ മനസ്സില്‍ ജാതി മത വര്‍ഗ്ഗീയ ചിന്തകള്‍ പിടിമുറുക്കുന്ന വര്‍ത്തമാനകാല യാഥാര്‍ത്യത്തില്‍ ജലോല്‍സവങ്ങള്‍ക്കു നിര്‍ണായക പങ്കു വഹിക്കാനുണ്ട്।.

കുട്ടനാടിന്റെ നിഷ്കളങ്കതയും പച്ചവിരിപ്പും കടലും കായലും കയറും ഒപ്പം ആവേശത്തിന്റെ ആര്‍പ്പുവിളികളും നിറഞ്ഞ ജനമൈത്രിയുടെ ഉല്‍സവങ്ങള്‍ക്കു തുഴ വീഴുമ്പോള്‍ ആരാണു ആലപ്പുഴയുടെ എന്റെ കുട്ടനാടിന്റെ ഹൃദയത്തില്‍ അലിഞ്ഞു ചേരാത്തതു.... ।അതേ വീണ്ടുമൊരു ജലമാമാങ്കത്തിനു കുട്ടനാടു കാതോര്‍ക്കുകയാണു.................................

"കുട്ടനാടന്‍ പുഞ്ചയിലേ,

കൊച്ചുപെണ്ണേ കുയിലാളേ।"

ഓ തിത്തിതാരൊ തിത്തി തെയ് തിതെയ് തക തെയ് തെയ് തോം ...............

നേരറിവ്...........

2010-05-09T10:24:00.018+05:30

നിലാവില്‍ നിറഞ്ഞുനിന്ന കിനാവിന്റെ പൂക്കളങ്ങള്‍
മധുരമാം ജീവിതത്തില്‍ നിറക്കൂട്ടൂകള്‍ പകര്‍ന്നുനല്കി,

അമാവാസി നാളില്‍ നിന്നും അടര്‍ന്നുവീണ കാര്‍മേഘങ്ങള്‍
കണ്ണീരിന്‍ തുള്ളികളായ് ജീവിതത്തില്‍ പെയ്തിറങ്ങി,

കാലത്തിന്‍ രഥചക്രങ്ങള്‍ നാഴികകള്‍ പിന്നിടുമ്പോള്‍
കൂരിരുളുംവെളിച്ചവുമായ് യാഥാര്‍ത്യങ്ങള്‍ പോയ് മറയുന്നു,

പ്രണയത്തിന്‍ തിളക്കമോ വിരഹത്തിന്‍ തേങ്ങലോ
വിശപ്പിന്റെ കാഠിന്യത്തില്‍ നീര്‍ക്കുമിളകള്‍ മാത്രമായ്,

ആണിനുമാത്രമായാഘോഷങ്ങള്‍ നിറയുന്നെങ്ങും
പെണ്‍ ഭ്രൂണഹത്യക്കായ് കാഹളങ്ങള്‍ മുഴങ്ങുന്നിവിടെ ,

തഴുകാത്ത തെന്നലായി പെയ്യാത്തവര്‍ഷമായ്
ആഴിതന്‍ ഭാവംപോലെ മര്‍ത്ത്യന്റെ മാനസങ്ങള്‍ .....

വിഷുക്കണി...........

2010-04-13T00:25:00.005+05:30

കണിക്കൊന്നപൂത്തനേരം
മനസ്സിന്റെ താഴ്വരയില്‍
ആയിരം പൂത്തിരികള്‍ പ്രഭ ചൊരിഞ്ഞു..

മേടത്തിന്‍ പുലരിയില്‍
പൊന്‍ കണികാണണം..
കണ്ണന്റെ തിരുമുന്‍പില്‍
നിറദീപം തെളിക്കണം ..

കാലത്തിന്‍ പുണ്യമായ്
കൈനീട്ടം വാങ്ങണം ...
ഇനിയൊരു വിഷുക്കണിക്കായ്
കാലത്തെ കാക്കണം !!!

ചിത്രം കടപ്പാട് :സോണ്‍ കേരളാഡോട്കോം

നഷ്ടപ്രണയം ...........................

2010-01-24T00:57:00.011+05:30

സായന്തനത്തിന്റെ ജാലകവാതിലില്‍,
വാര്‍മഴവില്ലു നിറഞ്ഞനേരം....
ഓര്‍ മ്മയില്‍ തെളിയുന്നുപോയകാലം.....

ആമലര്‍ വാടിയും പൂത്തമരങ്ങളും,
ആമലര്‍ ചൂടിയ പാവമെന്‍ തോഴിയും ,
എനിക്കായ് മീട്ടിയതന്ത്രിതന്നീണവും,
മറക്കില്ല ഞാന്‍ സഖീ നേരിന്റെ നാള്‍ വരെ ....

പ്രിയസഖി എന്തിനോ പ്രണയിച്ചിരുന്നു നാം ,
ജീവിതയാത്രയില്‍ ഓര്‍ മ്മിക്കുവാന്‍ ..
എന്‍സഖി എപ്പൊഴൊ കലഹിച്ചിരുന്നു നാം ,
തീവ്രതയാര്‍ന്നൊരു നൊമ്പരമായ് ..

വിധിയുടെ കൈകളാല്‍ വേര്‍പിരിഞ്ഞെങ്കിലും ,
ആത്മാവില്‍ നിറയുന്നു ദീപ്തസ്നേഹം ......
നിറവാര്‍ന്ന മഞ്ഞിന്‍ കണങ്ങള്‍ പോലെ ,
ശരത് കാല മേഘവിശുദ്ധിപോലെ ......

Copy Right (C) 2010 MaheshCheruthana

ഒരു ചോദ്യം ?????

2009-11-17T00:47:00.006+05:30

ഒഴുകുന്ന പുഴയിലെ കുഞ്ഞോളമെന്നോടു
പതിവായി ചൊല്ലുന്ന കാര്യമുണ്ടു!

കുഞ്ഞിളം കാറ്റും നിറയും സുഗന്ധവും
മനസ്സില്‍ നിറയ്ക്കും സ്വകാര്യമുണ്ടു!

പൊന്നിന്‍ കണിക്കായ് മാത്രം വിരിയുന്ന
കൊന്നക്കുമുണ്ടൊരു ചോദ്യമിന്നു!

മാമ്പഴം ആവോളം തിന്നു രസിക്കുന്ന
അണ്ണാറക്കണ്ണനുമാശങ്കയില്‍ !

വിരിയുന്ന പൂവിന്റെ മന്ദസ്മിത്തിലും
നിഴലിച്ചു കാണുന്നു നഷ്ടബോധം !

പിഞ്ചിളം കുഞ്ഞിന്റെ പാലൂറും പുഞ്ചിരി
ഓര്‍മ്മയില്‍ മാത്രം ഒതുങ്ങിനിന്നു!

ഓര്‍ക്കുക മര്‍ത്ത്യരേ നിങ്ങള്‍തന്‍ ചെയ്തികള്‍
അമ്മയാം ക്ഷോണിതന്‍ വേദനകള്‍!!!

Copy Right (C) 2009 MaheshCheruthana.

പ്രിയ കലാലയമേ...................

2009-05-02T01:06:00.006+05:30

നീയെന്റെ മനസ്സിലെ സ്വർഗമല്ലേ,
അണയുവാനാവാത്ത ദീപമല്ലേ!

നീയൊരു നന്മതൻ തരുവല്ലേ,
വസന്തങ്ങൾ നിറയുന്ന വാടിയല്ലേ !

അക്ഷര വിസ്മയം ആവോളം കാട്ടി നീ,
വിജ്ഞാന യാത്രയിൽ സാരഥ?യായി !

പൊരിയുന്ന വെയിലിലും കുളിരുന്ന ഓർമയായ്‌,
തെളിയുന്നു നിന്റെ സ്നേഹ സാമീപ്യം!

സൗഹൃദം നിറയുന്ന സ്നേഹകുംഭങ്ങളാൽ,
നീയെന്റെ ഉള്ളം നിറച്ചു തന്നു!

പൊരുതിജയിക്കുവാൻ മുന്നേറുവാൻ നീ,
ആവോളം ഊർജം പകർന്നു തന്നു!

അഛനുമമ്മക്കുമൊപ്പം ഗുരുവിനെ,
കാണണമെന്നു നീ ചൊല്ലി തന്നു!

മൊഴികളിൽ മാധുര്യം നിറയുവാനെപ്പോഴും,
നന്മതൻ വീഥ?യിൽ നീ നയിച്ചു!

പ്രണയത്തിൻ നോവുകൾ എന്നിൽ നിറച്ചു നീ,
പ്രണയാർദ്രമാക്കിയെൻ അന്ത:രംഗം!

ആലംബഹീനരെ നമ്മളായി കാണുവാൻ,
മിഴിയിൽ പ്രകാശം നിറച്ചു തന്നു!

കാലത്തിൻ ഇതളുകൾ കൊഴിയുന്ന വേളയിൽ,
കണ്ണീരാൽ നീയെന്തെ പെയ്തിറങ്ങി !

എങ്കിലും നിന്നിലെ പോയവസന്തങ്ങൾ,
ജീവിത യാത്രയിൽ ഓർമകളായി!!!!!

പ്രണയം...................

2008-02-03T12:10:00.001+05:30

താമരയിതളിലായ്‌ നിറയുന്ന
മധുകണം പോലെ സമൃദ്ധമാം പ്രണയം.

മനസിന്റെ കോണിലായി
താനെ വിരിഞ്ഞൊരു വാര്‍മഴവില്ലാണു പ്രണയം.

സൂര്യ ‍താപത്തെക്കാളും കരുത്തുള്ള
അഗ്നിതന്‍ നാളമാണീ പ്രണയം.

ആത്മാവിന്‍ നൂലിലായി
സ്നേഹംകൊരുക്കുന്ന സുവര്‍ണമാല്യം പ്രണയം

കുഞ്ഞിളം കാറ്റിന്റെ ശീതള സ്പര്‍ശമായി
നിറയുന്ന അനുഭൂതി പ്രണയം.

ആഴിതിരകള്‍ പോലെ നിഗൂഢമാം
ഭാവങ്ങള്‍ തീര്‍ക്കുന്ന പ്രണയം.

ഹൃദയാക്ഷരങ്ങളാല്‍ സ്നേഹം
തുളുമ്പുന്ന അനുരാഗഗാനമീ പ്രണയം.

വിരഹത്തിന്‍ നൊമ്പരം ഉമിത്തീയാല്‍
നീറുമ്പോള്‍ കണ്ണീരാല്‍ കുതിരുന്നു പ്രണയം!!!!!!!!।
Copy Right (C) 2008MaheshCheruthana

തുലാ മഴ................

2008-01-23T23:40:00.001+05:30

മഴയതു ചിന്നം പെയ്യുന്നു
മാനത്തൂടിടി പായുന്നു

വെള്ളിവെളിചം വീശുന്നു
വെള്ളിടിയായതു വെട്ടുന്നു

തുമ്പികളെല്ലാം അകലുന്നു
പറവകളെല്ലാം കരയുന്നു

ചേമ്പില പോലും തുള്ളുന്നു
പൂവുകളെല്ലാം കൊഴിയുന്നു

മണ്ണും വിണ്ണും ഇരുളുന്നു
തുലാ മഴയാണിതു സൂക്ഷിച്ചോ!!!!!!!!!!!

Copy Right (C) 2008MaheshCheruthana

ഒരു യാത്രാമൊഴി..................

2007-12-30T18:35:00.000+05:30

ഇതു ഡിസംബറിന്റെ യാത്രാമൊഴി.
ഓര്‍മകളുടെ വിസ്മയഭൂവില്‍ ഒരായിരം
വര്‍ണങ്ങള്‍ നിറചു ഒരു വര്‍ഷം കൂടി വിടപറയുകയാണു.
ഡിസംബറിന്റെ നക്ഷത്ര രാവുകള്‍ക്കു പോലും
വിടവാങ്ങലിന്റെ നനുത്ത സ്പര്‍ശം.
പുലരിയുടെ പൊന്‍പ്രഭയിലും
നഷ്ടപ്പെടലിന്റെ മിഴിനീര്‍കണങ്ങള്‍.
മനസ്സില്‍ താലോലിക്കാന്‍ മഴവില്ലിന്റെ
വര്‍ണരാജികളും നൊമ്പരത്തിന്റെ കുളിരും
നല്‍കി മോഹങ്ങളും മോഹഭംഗങ്ങളും ബാക്കിയാക്കി
കാലത്തിന്റെ അരങ്ങില്‍ നിന്നും
നക്ഷത്രങ്ങളുടെ തോഴി നടന്നകലുകയാണു.
ഇനി യാത്രാ മൊഴി മാത്രം!!!
ഒപ്പം പുതിയ പ്രതീക്ഷകളും!!!

"എല്ലാ ബൂലോകര്‍ക്കും ഹൃദ്യമായ പുതുവല്‍സര ആശംസകള്‍"

നിറഞ്ഞ സ്നേഹത്തോടെ!!!!!!!!!!!!!

2007-12-02T15:48:00.000+05:30

പ്രിയരെ .
മനസ്സിലും മണ്ണിലും പുല്‍ക്കൊടിതുമ്പിലും മഞ്ഞുതുള്ളിയുടെ നൗര്‍മല്യവുമായി December വീണ്ടുമെത്തി.എന്റെ ബൂലോക വാസത്തിനും അങ്ങനെ ഒരു വയസ്സു തികഞ്ഞു.ഈ ഒന്നാം പിറന്നാളില്‍ മറക്കാനാവാത്ത ഒത്തിരി മുഖങ്ങളുണ്ടു.എങ്കിലും എനിക്കു ആദ്യമായി കമന്റ്‌ രേഖപ്പെടുത്തിയ ഷാനവാസ്‌,ജി മനു,കിരണ്‍ തോമസ്‌,പീലികുട്ടി,,വല്യമ്മായി എന്നും നല്ല ഉപദേശങ്ങള്‍ (വിമര്‍ശനങ്ങളും)തന്നിട്ടുള്ള ദ്രിശ്യനും,നന്ദുവും പിന്നെ കവിയരങ്ങിലെക്കു ക്ഷണം വാഗ്ദാനം ചെയ്ത India heritage (ക്ഷണം ഇപ്പൊഴും കിട്ടിയിട്ടില്ല) ഒപ്പം ഈ ഇടനാഴിയിലൂടെ മിണ്ടാതെ പോയവര്‍ക്കും അഭിപ്രായം രേഖപ്പെടുത്തിയ എന്റെ പ്രിയപ്പെട്ടവര്‍ക്കും നിറഞ്ഞ നന്ദി.ഇനിയും നിങ്ങളുടെ വിലപ്പെട്ട അഭിപ്രായങ്ങള്‍ പ്രതീഷിക്കുന്നു.ഈയവസരത്തില്‍ ഞാനറിയുന്ന ഞാന്‍ കേള്‍ക്കുന്ന അനുഭവങ്ങളിലേക്കു നമുക്കുചുറ്റുമുള്ള സമകാലീന സംഭവങ്ങള്‍ക്കായി ഒരു പുതിയ ബ്ലോഗു (കണ്ടതും കേട്ടതും)കൂടി ആരംഭിക്കുന്നു.
നിറഞ്ഞ സ്നേഹത്തോടെ
നിങ്ങളുടെ മഹി

ഒരു കൊച്ചു സ്വപ്നം!!!!!!!!!!!

2007-11-07T11:33:00.002+05:30

ഒരു പിഞ്ചുമനസ്സിന്റെ കഥയാണിതു ,
ഒരു നല്ല നാടിന്റെകനിവാണിതു .
കുസ്രുതികള്‍ കാട്ടെണ്ട പ്രായത്തിലന്നിവന്‍,
ഏങ്ങീക്കരയുന്നു ബന്ധനത്തില്‍.
അമ്മതന്‍ അമ്മിഞ്ഞ പാല്‍ നുകരേണ്ടവന്‍ ,
ദാഹജലത്തിനായി കേണിടുന്നു .
ഓമന മുത്തം കൊതിക്കുമ്പോഴെക്കെയും,
സിഗരറ്റുകൊള്ളികള്‍ തഴുകിടുന്നു.
ഒരുനേരമെങ്കിലും ആ കുഞ്ഞു വയറിനായി,
കളിക്കൂട്ടുകാരന്റെ പാത്രം വേണം .
നിറമുള്ള പൂക്കളൊ ,തുമ്പികളൊ ,
പൂനിലാപുഞ്ചിറി പോലുമന്നു,
അവന്റെ സ്വപ്നങ്ങളിലില്ലായിരുന്നു.
എങ്കിലും എന്നും അവന്റെ ഇഷ്ടം,
കൂടെ കിടക്കുന്ന നായ മാത്രം.
മന:സാക്ഷിയില്ലത്ത മാത്രുത്വമേ,
നീ മലയാളിയായതു തന്നെ കഷ്ടം !
എന്നിട്ടുമിന്നവന്‍ എത്തി ചേര്‍ന്നു,
കരുണ വറ്റാത്ത ജനമനസ്സില്‍ .
അവന്റെ സ്വപ്നങ്ങള്‍ക്കിന്നു വര്‍ണമുണ്ടു ,
ആ കുഞ്ഞു കണ്ണില്‍ പ്രതീക്ഷയുണ്ടു.
ഉയരങ്ങളിലേക്കുള്ള യാത്രയില്‍ ,
എന്നും നന്മ നിറഞ്ഞ സമൂഹമുണ്ടു .
മാധ്യമ ധര്‍മം ഒരിക്കല്‍ കൂടി ,
നല്ല ജനങ്ങള്‍ക്കു ബോധ്യമായി.

[മാത്രു വാല്‍സല്യം നിഷേധിക്കപ്പെട്ട അനാഥ ബാല്യങ്ങള്‍ക്കു സമര്‍പ്പണം]
(കേരളത്തിന്റെ മലയോരജില്ലയില്‍ നിന്നുള്ള മാധ്യമ വാര്‍ത്തകളാണു ഇതിനാധാരം)

Copy Right (C) 2007MaheshCheruthana

മഴ ഒരു അനുഭൂതിയാണു !!!!!!!!!!!!!

2007-11-02T10:52:00.000+05:30

മഴ ഒരു അനുഭൂതിയാണു !
നന്മയുടെ മേല്‍ തിന്മ പോലെ ,
പരാജയത്തിന്റെ മേല്‍ വിജയം പോലെ.
വറുതിക്കുമേല്‍ ഇളനീരിന്റെ ,
നിശ്വാസവുമായി പെയ്തിറങ്ങുന്നു .
സന്തോഷത്തിന്റെ മേല്‍ ,
പ്രതികാരത്തിന്റെ രൗദ്രഭാവവുമായി,
അലറിയടിക്കുന്നു .
എങ്കിലും മഴ നിറവാര്‍ന്ന അനുഭൂതിയാണു! !!!!!!!!
സങ്കല്‍പ്പങ്ങള്‍ക്കും, ചിന്തകള്‍ക്കും,
ആഗ്രഹങ്ങള്‍ക്കും, മീതെ കോരി ചൊരിയുന്ന
ജല കണങ്ങളാണു !
ഓര്‍മകള്‍ക്കുമപ്പുറം പ്രയാണമാരംഭിചു
അമൃതവര്‍ഷം ചൊരിഞ്ഞുകൊണ്ടിരിക്കുന്നു .
ആകാശനീലിമയില്‍ വര്‍ണങ്ങളുടെ
വിസ്മയചാര്‍ത്തുമായി ആ ചില്ലുജാലകം
അനുഭൂതിയായി നിറയുന്നു!!!!!!!!!!!!!!!

എന്തിനി ക്രൂരത..........!!!!!!!!!!!!!!!!!!!!!!!!!!!!!!!!!

2007-10-01T00:17:00.000+05:30

മനുഷ്യ മനസ്സാക്ഷിയെ ഞെട്ടിക്കുന്ന ദുരന്തത്തിനാണു ഇന്നു വര്‍ക്കല സാക്ഷിയായതു.മകളൊടൊപ്പം യാത്ര ചെയ്ത രക്ഷിതാവിനു റെയില്‍ വയുടെ നിരുത്തരവാദിത്വ പരമായ പ്രവര്‍ത്തിമൂലം മകളുടെ മുന്‍പില്‍ വചു പിടഞ്ഞു മരിക്കേണ്ടി വന്നു.പോക്കട്ടടിക്കാരനെ പിന്‍ തുടര്‍ന്നു ട്രെയിനിന്റെ വാതിലില്‍ നിന്നു വീണു മാന്നാര്‍ സ്വദേശ്ശി മരണമടഞ്ഞതു യാത്രക്കാരുടെ ജീവനും സ്വത്തിനും മാനുഷിക പരിഗണന നല്‍കാത്ത ക്രുരമായ അവഗണനയിലേക്കാണു റെയില്‍ വയെ വിരല്‍ ചൂണ്ടുന്നതു.R P F ന്റെ സാന്നിധ്യം ഉണ്ടായിരുന്നെങ്ങില്‍ ഒഴിവാക്കാമയിരുന്നതാണു ഈ ദുരന്തം....വരുമാനം മാത്രം ലക്ഷ്യമിട്ടു മുന്നൊട്ടു കുതിക്കുന്ന ഇന്ത്യന്‍ റെയില്‍ വേയെ സുരക്ഷ പാളിച മൂലം ജീവിതം ഹോമിക്കെണ്ടി വരുന്ന മനുഷ്യ ജന്മങ്ങളുടെ കതകള്‍ മറക്കാതിരിക്കട്ടെ! ജനപ്രതിനിധികളും മാധ്യമങ്ങളും ജനകീയ കൂട്ടായ്മക്ലും റെയില്‍ വയെ മന്ത്രിയുടെ അറിവിലേക്കു ഇത്തരം സംഭവങ്ങളെ കൊണ്ടു വരുമെന്നു പ്രത്യാശിക്കാം !!!!!ഇനിയും ഇത്തരം സംഭവങ്ങള്‍ ആവര്‍ത്തിക്കാതിരിക്കട്ടെ!!!!!!!!!!

പ്രണയത്തിനെപ്പൊഴും മധുവസന്തം !!!!!!!!!!!!!!!!!!!!!

2007-03-31T15:11:00.001+05:30

പ്രണയത്തിനെപ്പൊഴും മധുവസന്തം
എന്‍ പ്രണയനിക്കുള്ളീലൊ മന്ദഹാസം,
വാടാതെ കൊഴിയാതെ പാറിപ്പറക്കുന്ന
വാര്‍മഴവില്ലിന്റെ ചാരുഹാസം,
ഹൃദയത്തിനുള്ളിലെ അണയാത്ത ദീപമായ്‌
എരിയുന്ന ഒരുപിടി ഓര്‍മകളായി,
അലറുന്ന ആഴിതന്‍ വീചിയില്‍ പോലും
പ്രണയസംഗീതത്തിന്റെ ദല മര്‍മ്മരം,
മനസ്സിന്റെ അകതാരില്‍ അറിയാതെ കൂമ്പിയ
സ്വപ്ന സമാനമാം സ്നേഹമന്ത്രം,
മേടപ്പുലരിക്കു കൂട്ടിനായെത്തുന്ന
പൊന്‍ കണിക്കൊന്നയെ പ്പോലെ നിത്യം
മനസ്സില്‍ പ്രതീക്ഷ തന്‍ പൊന്‍ കതിര്‍ചിന്തുമായി
ഇന്നിന്റെ സത്യമായി നീ വന്നു നിന്നു!!!!!!!!!!!!!!!

Copy Right (C) 2007MaheshCheruthana

കൂട്ടുകാരി....................................

2007-03-17T16:11:00.001+05:30

അന്നു,
യാന്ത്രികതയുടെ ഗതിവേഗത്തിനൊപ്പം സഞ്ചരിചവള്‍,
അക്ഷരങ്ങള്‍ക്കു ആംഗലേയത്തിന്റെ സ്വരചാര്‍ത്തണിയിചവള്‍,
ഇന്നു,
സൗഹൃദത്തില്‍ പ്രകാശത്തിന്റെ വര്‍ണരാജി പരത്തുന്നവള്‍,
ചിരികളില്‍ ബാല്യത്തിന്റെ കൂതുഹലമുണര്‍ത്തുന്നവള്‍,
നാളെ ,
സ്വപ്നങ്ങളില്‍ വിസ്മയത്തിന്റെ ദ്രിശ്യ ഭംഗി നല്‍കുന്നവള്‍,
വാക്കുകളില്‍ പ്രതിരോധത്തിന്റെ കോട്ട കെട്ടുന്നവള്‍,
പ്രവര്‍ത്തിയില്‍ നൂലിഴകളാല്‍ മഴവില്ലു തീര്‍ക്കുന്നവള്‍।

Copy Right (C) 2007MaheshCheruthana

എങ്കിലും സന്ധ്യേ .....................

2007-03-05T23:11:00.001+05:30

ഓര്‍മ്മയില്‍ തെളിയുന്ന കാര്‍ത്തിക ശോഭയില്‍
സന്ധ്യേ നിനക്കെന്തു ഭംഗി!
സായന്തനത്തിന്റെ സുര്യമുഖങ്ങളില്‍
സന്ധ്യ തന്‍ നിശ്വാസം ഞാനറിഞ്ഞു,
സായംസന്ധ്യയില്‍ ചക്രവാളങ്ങളില്‍
അവളുടെ പുനര്‍ജ്ജനി ഞാന്‍ കണ്ടു,
നിറവാര്‍ന്ന സൂര്യനെ പുല്‍കിതലോടി നീ
കൂരിരുള്‍ രാവില്‍ അലിഞ്ഞു ചേര്‍ന്നു,
പൂനിലാ ചന്ദ്രനെ ദീപം തെളിയിചു
ആകാശപാതയില്‍ നീ നയിചു,
എങ്കിലും സന്ധ്യേ നിന്നാത്മരോദനം
ആഴിതന്‍ വീചിയീല്‍ അലയടിചു!

പ്രണയപൂര്‍വ്വം...................

2007-02-08T10:07:00.001+05:30

എന്തിനെന്നറിയതെയീ പ്രണയം,
മനസ്സിന്റെ അകതാരിന്‍ ദിവ്യ സ്പര്‍ശം.
അതിരുകളില്ലാത്ത ആത്മഹര്‍ഷം.
സ്വപ്നങ്ങള്‍ വര്‍ണ്ണക്കുട നിവര്‍ത്തും,
പ്രണയാര്‍ദ്രമാകുമി പൊന്‍ വസന്തം.
ചന്ദനമരത്തിന്‍ സുഗന്ധമല്ലൊ,
മധുരമാം സ്വരരാഗ സുധകളല്ലൊ,
എവിടെയെന്നറിയാതെ,ഏപ്പൊഴെന്നറിയാതെ,
പാടാന്‍ ശ്രമിക്കുന്ന വരികളല്ലൊ,
ജീവിത ഗന്ധിയാം പൊന്‍ പ്രണയം.
ഭാഷകളില്ലാത്ത,ദേശങ്ങളില്ലാത്ത,
മൗനമാം ഹൃദയത്തുടിപ്പുകള്‍ കോര്‍ക്കുന്ന
തരളിത പുഷ്പമായി ഈ പ്രണയം.
വിരഹത്തിന്‍ നൊമ്പരപ്പാടുകള്‍ മായ്ക്കുവാന്‍
പ്രകൃതി തന്‍ വിസ്മയം പ്രണയമല്ലോ......

രാത്രി മഴ...............

2007-02-04T13:09:00.001+05:30

മഴയുടെ ജാലകം വാതില്‍ തുറക്കുന്ന
മധുമാസരജനിതന്‍ പൊന്നുഷസ്‌
നിനവുതന്‍ തന്ത്രിയില്‍ മണിവീണമീട്ടിയെന്‍
ഹൃദയരാഗങ്ങള്‍ മിഴിതുറന്നു
ഓര്‍മകള്‍ എപ്പൊഴൊ പെയ്തൊഴിയാത്തൊരു
കാര്‍മേഘമായി നിറഞ്ഞു നിന്നു
വാര്‍മഴവില്ലിന്റെ വര്‍ണരാജികള്‍
സന്ധ്യതന്‍ ശോഭയില്‍ തെളിഞ്ഞു നിന്നു
മഴയുടെ,മണ്ണിന്റെ,പൂവിന്റെ, പുഴയുടെ
മന്ദസ്മിതത്തില്‍ തിളങ്ങി നിന്നു..........

ജന്മദിനം..........

2007-01-31T21:39:00.001+05:30

മനസിന്റെ കിന്നരി-

തൂവലുകള്‍ കൊഴിയുന്ന

കാലത്തിന്‍ സമ്മാനം

ജന്മദിനം!

ഒരു പിടി ഓര്‍മകള്‍നിനവു തന്‍

പ്രതീക്ഷകള്‍വിരുന്നിനെത്തുന്ന

പൊന്‍സുദിനം!...............

കൗമാരത്തിന്റെ നോട്ടുബൂക്ക്‌

2007-01-30T23:52:00.000+05:30

കൗമാരത്തിന്റെ നോട്ടുബൂക്ക്‌,-----------
ഇതു മലയാളത്തിന്റെ പുണ്യം.മലയാളത്തിന്റെ സര്‍ഗധനരായ പ്രതിഭകളായ പദ്മരാജനും,ഭരതനും,അരവിന്ദനും പിന്നാലെ പുതു തലമുറയും ആ പാതയിലെക്കു നടന്നുകയറുന്നു!ഉദയനാണുതാരത്തിലൂടെ മലയാളിക്കു സിനിമയുടെ പുതിയ കാഴ്ചകള്‍ കാണിച റോഷന്റെ തികചും അഭിനന്ദനമര്‍ഹിക്കുന്ന മറ്റൊരു ചലചിത്ര കാവ്യം!എഴുതുന്നതെന്തും മലയാളിയുടെ ചിന്തയിലെക്കു കടന്നു വരുന്ന പ്രമേയത്തെ ആധാരമാക്കുന്ന മലയാളത്തിന്റെ സ്വന്തം കുട്ടികള്‍ ബോബ്ബ്യ്യും സഞ്ചയ്യും കാണിച ധൈര്യം അപാരം തന്നെ!മാറുന്ന കൗമാരത്തിന്റെ മലയാളിയുടെ വേഗമേറിയ ജീവിതത്തിന്റെ,സ്നേഹം നഷ്ടമാകുന്ന കൗമാരത്തിന്റെ ദുരിതത്തിന്റെ നേര്‍ക്കാഴ്ച ഓരോ മാതാപിതാക്കളും കുട്ടികളും കാണേണ്ട മനോഹര ചിത്രം.ഇതു മാതാപിതാക്കളുടെ ബോധ തലത്തിലേക്കു വീശി അടിക്കുന്ന ഒരു ഓര്‍മപെടുത്തല്‍.അതി മനോഹരമയ ദ്രശ്യ ചാരുതയും,പ്രതിഭ കളുടെ സംഗ്ഗമവും ഈ മനോഹരചിത്രത്തെ മികചതാക്കി.ഈ ചലചിത്ര കാവ്യത്തിലെ സുരേഷ്‌ ഗോപിയുടെ പ്രകടനത്തെ സിനിമ ശാലയിലെ നിറഞ്ഞ കയ്യടി മാത്രം മതി ഓര്‍മപ്പെടുത്താന്‍!ചിത്രത്തിന്റെ എണ്ണമല്ല അതിന്റെ അതിലെ സന്ദേശമാണു പ്രധാനമെന്നു റോഷന്‍ ഒന്നു കൂടി ഓര്‍മപ്പെടുത്തി!ഇതിന്റെ നിര്‍മാതാവായ ഗ്രഹലക്ഷ്മിക്കും അഭിമാനിക്കം!എങ്കിലും അതിലെ മൂന്നു പെണ്‍ കൗമാരവും അഭിനന്ദനം അര്‍ഹിക്കുന്നു ഒപ്പം പുതിയ സംഗീത സംവിധായകനും,പാട്ടെഴുതിയ വയലാറും!.ഇനിയും റോഷന്റെ നല്ല ചിത്രംകല്‍ക്കായി നമുക്കു കാത്തിരിക്കം!

snake boat in kerala-own my cam

2006-12-10T00:20:00.000+05:30

malayayaliude jelayanam-own my cam

2006-12-10T00:04:00.000+05:30

kuttanadan kazhchakal

2006-12-09T17:21:00.000+05:30

nehru trophy